పునీతo
===========
అతి ప్రాచీనంగానో
అత్యంత ఆటవికంగానో
ఇద్దరం దర్శనమిస్తుంటాం
నేనూ ధరిత్రిమాతా!!

పరిణామక్రమాన్నసురిస్తూ,
పరిభ్రమణలను కొనసాగిస్తూ


ఇరువురం ఎంతగా అలసి సొలసి పోయామో.
రూపు దిద్దుకుంటూ
రూపాన్ని సరిదిద్దుకుంటూ.

భూదేవి నన్ను తయారుచేసిది
తునాతునకలుగా విచ్చేలానూ చేసింది.
తుదకువిచ్చిన్నమూ గావించింది.
మరలా తనే నా పునరుజ్జీవనానికీ
 ఆస్కారాన్నందించింది.

ఎన్నెన్ని భ్రమణాలు?
ఎన్నీన్ని ప్రకంపనల పరంపరలు??
భూదేవి పవిత్ర గర్భంలోంచి
పరిపక్వమైన సుక్షేత్రంగా
ప్రభవించిన పునీతురాలిని నేను.
====================